‘सुनौलो पाइला’ अनाथ आश्रमकाे मेहनतमा ढकमक्क फुलेका फूलहरु (तस्बिरसहित)

काठमाडौं । काठमाडौंको गोकर्णेश्वर नगरपालिकास्थित एक अनाथ आश्रमले तिहारलाई लक्षित गरी सयपत्री फूलकाे खेती गरेको छ ।

गोकर्णेश्वरको सुन्ताखानमा ‘सुनौलो पाइला’नामक अनाथ आश्रमले  राेपेकाे सयपत्री फूल यतिबेला फुलेर ढकमक्क भएकाे छ ।  बारीमा ढक्कमक्क भएकाे फूल टिपेर माला उन्न  उनीहरुलाई भ्याइनभ्याइ छ ।

संस्थाकी अध्यक्ष रोजिना बिष्टका अनुसार फूल बिक्रीबाट आउने रकम त्यही अनाथ आश्रममा आश्रित बालबालिकाको खर्चमा प्रयोग हुँदै आएको छ। उनीहरुले खाली जग्गामा सयपत्रीको फूल लगाएका थिए । आश्रमले सयपत्री फूल टिपेर माला उनेर बजार पठाउने तयारीमा जुटेको छ ।

तिहारमा फूलको माग धान्नै नसकिने अध्यक्ष विष्टको अनुभव छ ।