गगनको संयोजकत्वमा गठित सदस्यता व्यवस्थापन समितिमा तीन सदस्य मनोनयन

काठमाडौं । नेपाली कांग्रेसका सभापति शेरबहादुर देउवाले सदस्यता व्यवस्थापन केन्द्रीय समितिमा तीन सदस्य मनोनयन गरेका छन् ।

महामन्त्री गगन थापाको संयोजकत्वमा गठित समितिमा सभापतिले तीन सदस्य मनोनयन गरेको मुख्य सचिव कृष्णप्रसाद पौडेल बताए ।

समितिमा केन्द्रीय सदस्य सीता गुरुङ, योगेन्द्र चौधरी र प्रकाश रसाइली स्नेही मनोनीत भएका हुन् ।