कारबाओ कपको क्वाटरफाइनल समीकरण पूरा

काठमाडौं । इङ्लिस लिग कप अर्थात कारबाओ कपको क्वाटरफाईनल समीकरण पूरा भएको छ ।

गएराति भएका खेलहरूमा लिभरपुल, आर्सनल, न्यु क्याष्टल, म्यान्चेस्टर युनाईटेड, टोटनह्याम्प र क्रिष्टल प्यालेस विजयी भएसँगै कारबाओ कपको क्वाटरफाइनल समीकरण पूरा भएको हो ।

गएरातिको खेलमा इङ्लिस प्रिमियर लिग (ईपीएल) को लिग लिडर म्यान्चेस्टर सिटीलाई टोटनह्याम्पले २-१ गोल अन्तरले पराजित गरेको थियो ।

लिगको दोश्रो स्थानको लिभरपुलले ब्राइटेनलाई ३-२ गोलले पराजित गर्दा तेश्रो स्थानको आर्सनलले डिभिजन बिको प्रेस्टनलाई ३-० गोलले हराएको थियो ।

गएराति नै भएको अन्य खेलमा म्यान्चेस्टर युनाइटेडले लेस्टर सिटीलाई ५-२ ले पराजित गर्दा न्युक्याष्टलले चेल्सीलाई २-० गोलले पराजित गरेको थियो । अर्को खेलमा एस्टन भिल्ला क्रिष्टल प्यालेससँग २-१ ले पराजित भएपछि क्वाटरफाइनल समीकरण पूरा भएको छ ।

अब डिसेम्बर १७ मा हुने क्वाटरफाइनलमा लिभरपुलले साउथह्याम्पटनको सामना गर्दा म्यानचेस्टरले टोटनह्याम्पसङ्ग खेल्ने छ । यस्तै न्यु क्याष्टलले ब्रेनफ्रोडको सामना गर्दा क्रिष्टल प्यालेस र आर्सनलको भिडन्त हुनेछ ।