प्रधानमन्त्री राहत तथा उद्धार कोषमा टेलिकमको एक करोड २ लाख सहयोग

काठमाडौं । नेपाल टेलिकमले प्रधानमन्त्री दैवी प्रकोप उद्धार कोषमा एक करोड २ लाख ७० हजार २१४ रूपैयाँ रकम जम्मा गरेको छ ।

नेपाल टेलिकममा कार्यरत सम्पूर्ण कर्मचारीहरूको तर्फबाट बाढीपहिरो तथा डुबान पीडितलाई राहत वितरणमा सहयोग पुगोस् भनी उक्त रकम जम्मा गरिएको टेलिकमले जनाएको छ ।

प्रधानमन्त्री तथा मन्त्रिपरिषद्को कार्यालयमा मिति सञ्चारमन्त्री पृथ्वीसुब्बा गुरुङ, सचिव राधिका अर्याल तथा नेपाल टेलिकमका प्रमुख अधिकृतसमेतको उपस्थितिमा कम्पनीका प्रबन्ध निर्देशक संगीता पहाडी अर्यालले प्रधानमन्त्री केपी शर्मा ओलीलाई कोषमा रकम जम्मा गरेको जानकारी पत्र हस्तान्तरण गरिन् ।

उक्त अवसरमा प्रम ओलीले नेपाल टेलिकम राष्ट्रको सम्पत्ति रहेको उल्लेख गर्दै संस्थाको साख उच्च राख्दै जनतालाई गुणस्तरीय दूरसञ्चार सेवा प्रवाह गर्ने गरी अगाडी बढ्न निर्देशन दिए ।