बङ्गलादेशमा हिन्दू र इसाईमाथि भएको आक्रमणको ट्रम्पद्वारा निन्दा

काठमाडौं । पूर्वअमेरिकी राष्ट्रपति तथा रिपब्लिकन पार्टीका अहिलेका राष्ट्रपति उम्मेदवार डोनाल्ड ट्रम्पले बङ्गलादेशमा हिन्दू र इसाईमाथि भएको हमलाको बिरोध गरेका छन्।

अमेरिकी चुनाव आउन केही दिन मात्र बाँकी भएको र हिन्दूहरुको पर्व दीपावली वा दीवालीको समयमा ट्रम्पको यस्तो सन्देश आएको हो ।

जो बाइडेन र कमला ह्यारिस सत्ताले बङ्गलादेशी हिन्दूमाथिको हमलामा नबोलेको बेला ट्रम्पले बोलेका हुन्।

आफू सत्तामा भएको भए बङ्गलादेश, अमेरिका र विश्वभर हिन्दूहरुलाई आक्रमण नहुने भन्दै ट्रम्प बाइडेन र कमला तथा उनीहरुको धर्म बिरोधी र अतिवादी वामपन्थको कारण यो सबै भएको आरोप लगाएका छन्।

यहि २० गते अर्थात नोभेम्बर ५ मा अमेरिकी राष्ट्रपति चुनाव हुँदैछ । जसमा डेमोक्रेटिक पार्टीकी राष्ट्रपति उमेदवार तथा वर्तमान उपराष्ट्रपति कमला ह्यारिस ट्रम्पसग भिड्दैछिन्।