उत्तर कोरियाली विदेशमन्त्री मस्कोमा, भनिन्- युक्रेन युद्धमा हाम्रो साथ ‘रुसी कमरेड’लाई

काठमाडौं । उत्तर कोरियाली विदेशमन्त्री चोइ सोन हुइ मस्को पुगेकी छन् । मस्को पुगेर हुइले युक्रेन युद्धमा ‘रुसी कमरेड’लाई उत्तर कोरियाली साथ हुने र रुसकै जित हुने बताएकी छन् । र कोरियाली दश हजार हाराहारी सैनिकहरु रुस पुगेर रुसको कुरु क्षेत्रमा युक्रेनसँग लडेउताको पश्चिमा मिडियामा समाचार आएको बेला उत्तर कोरियाली विदेशमन्त्रीको मस्को भ्रमण र युक्रेनी युद्दमा साथको कुरा सार्वजनिक भएकोले अर्थपूर्ण मानिएको छ ।

रुसी विश्व च्यानल आरटीका अनुसार रुसी विदेशमन्त्री सेर्गी ल्याभ्रोबले उत्तर कोरियाली समकक्षीसग भेटेर दुई देशको सबै क्षेत्रमा अभूतपूर्व उचाई मिलेको भन्दै दुई देशको सैन्य र गुप्तचरी सबैमा निकट सम्बन्ध भएको बताए ।

गत जुनमा पुटिनको उत्तर कोरियाको राजकिय भ्रमणको समयमा हस्ताक्षर भएको ’विस्तृत रणनीतिक साझेदारी’ पछि सम्बन्ध बलियो थप बलियो भएको उनले बताए । युक्रेन युद्दमा मिसाइल र गोलीगठ्ठा सहयोग गर्ने उत्तर कोरियाले अहिले सैनिक पनि सहयोग गर्न थालेको बताइन्छ ।