बेलायती दल ‘टोरिज’ले पायो प्रथम अश्वेत नेता

काठमाडौं । साबिकको सत्ताधारी तथा बेलायतको हालको प्रमुख प्रतिपक्षी दल टोरिजले पहिलो पटक अश्वेत नेता पाएको छ ।

बेलायतको परम्परागत दलले भारतीय मूलका ऋषि सुनाकलाई प्रतिस्थापन गर्ने अश्वेत महिला केमी बादेनोज पाएको छ ।

बेलायतमा जन्मेर नाइजेरिया र अमेरिकामा हुर्किएकी केमीले शनिवार भएको चुनावमा रोबर्ट जेनरिकलाई पराजित गरेर नेता भएकी हुन्।

४४ वर्षकी केमीले टोरिजका पुराना मतदाता फर्काउने प्रण गरेकी छिन । विगत १४ वर्षमा पहिलो पटक सत्ता छाड्न बाध्य भएको थियो टोरिजले यो साल ।

टोरिज विस्थापन गरेका लेबरका प्रधानमन्त्री केइर स्टार्मरको लोकप्रियता पनि टोरिज नेता ऋषि सुनाकले प्रधानमन्त्री छाड्दाको भन्दा कमजोर भएको समाचार सार्वजनिक भएका छन्।