इन्टरपोलको महासभामा भाग लिन आईजीपी कुँवर बेलायत प्रस्थान

काठमाडौं । संयुक्त अधिराज्यको ग्लास्गोमा आयोजना हुने अन्तर्राष्ट्रिय प्रहरी सङ्गठन (इन्टरपोल) को ९२औँ महासभामा भाग लिन प्रहरी महानिरीक्षक वसन्तबहादुर कुँवर तीन सदस्यीय प्रतिनिधिमण्डलको नेतृत्व गर्दै आज बिहान त्यसतर्फ प्रस्थान गरेका छन् ।

भोलिदेखि आगामी बिहीबारसम्म हुने महासभामा सहभागिताका लागि टाेली त्यसतर्फ प्रस्थान गरेकाे हाे ।

इन्टरपोलका एक सय ९६ सदस्य राष्ट्रका प्रतिनिधि सहभागी हुने महासभाका क्रममा इन्टरपोलर विश्व स्वास्थ्य सङ्गठन बीचको सहयोग, आङ्कवादविरुद्धको रणनीति, प्रहरीको विश्लेषणात्मक क्षमता अभिवृद्धि, अतिवादविरुद्ध एकीकृत रणनीति, इन्टरपोलको संविधान संशोधनलगायत विषयमा छलफल हुने केन्द्रीय प्रहरी समाचारकक्षले जनाएको छ ।