इरानी विश्वविद्यालयमा छात्राको ‘पोशाक विद्रोह’, नग्न प्रदर्शन गर्ने युवती पक्राउको एम्नेष्टीले गर्यो विरोध

काठमाडौं । विश्वविद्यालयले बनाएको पोशाक नियम मन नपराएकी एक इरानी महिला विद्यार्थी नाङ्गिएकी छिन् ।

इरानको तेह्ररान इस्लामिक आजाद विश्वविद्यालयको नियमको विरुद्ध उनले यस्तो विरोध गरेकी हुन् । हिजाब लगाउन कडाइ गर्ने देशमा उनले भित्री वस्त्रहरू मात्रै राखिएर नांगिएको भिडिओ अहिले सामाजिक सञ्जालमा भाइरल भएको छ ।

इरानी अधिकारीहरूले यसबारेमा कुनै सार्वजनिक प्रतिक्रिया दिएका छैनन् । सार्वजनिक स्थानमा नाङ्गिएकी उनलाई इरानी प्रहरी पक्राउ गरेको छ ।

एम्नेष्टी इरान लगायतका पश्चिमा एनजीओहरुले उनको रिहाइको माग आफ्नो सामाजिक सञ्जालमा गरेका छन् ।

पछिल्लो समयमा इरानमा महिलाहरूले हिजाब लगाउने विरोधमा प्रदर्शनहरू गरेका थिए ।

प्रदर्शनको प्रचार इजारायले धेरै गरेको थियो भने पश्चिमा मिडियाहरूले सत्ता ढाल्ने स्तरको आन्दोलन हुनसक्ने समाचार प्रकाशन गरेका थिए । तर, त्यो आन्दोलन मत्थर भएसँगै अहिले नांगिएको समाचार सार्वजनिक भएको छ ।