अपडेट : भैलो खेलिरहेको टोलीमाथि बस पल्टिँदा २ जनाको मृत्यु, यी हुन् घाइते भएका ३४ जना

नेपाल प्रेस

२०८१ कार्तिक २० गते ११:११

रुपन्देही । अर्घाखाँचीको भूमिकास्थान नगरपालिकाको खिल्जी र असुरकोटको संगमस्थल उदयठाँटीमा भैलो टोलीमाथि गुडिरहेको बस ब्रेक फेल भएर पल्टिँदा २ जनाको मृत्यु भएको छ भने ३४ जना घाइते भएका छन् ।

भैलो खेलिरहेको समूहकै बीचबाट ना ३ ख २४७१ नम्बरको यात्रुवाहक बस पल्टिएपछि भैलो खेलिरहेकाहरूको समूहमाथि पुगेको थियो । सो बस सन्धिखर्कबाट प्युठान जाँदै गरेको थियो ।

घाइतेमध्ये १० जनालाई उपचारका लागि बुटवल ल्याइएको छ। अन्य घाइतेहरूको अर्घाखाँची अस्पतालमै उपचार भइरहेको छ ।

दुर्घटनामा मृत्यु हुनेमा भूमिकास्थान नगरपालिका वडा नम्बर ६ फूलबारीकी २२ वर्षीया तारा श्रेष्ठ, ढाकाबाङकी ७० वर्षीया रुनी खनाल छन् । उनीहरू दुवै कलाकार हुन् ।

खनालको घटनास्थलमै र गम्भीर घाइते भएकी श्रेष्ठको उपचारको क्रममा अर्घाखाँची अस्पतालमा मृत्यु भएको जिल्ला प्रहरी कार्यालयका प्रमुख प्रहरी नायब उपरीक्षक चक्रबहादुर मल्लले जानकारी दिए ।

घाइतेहरु

खिल्जी निवासी ३८ वर्षीया यमुना थापा

असुरकोट निवासी १२ वर्षीया रोजिना परियार

असुरकोट निवासी ९ वर्षीया अन्सिला सुनार

खिल्जी निवासी १८ वर्षीया बिन्दु परियार

भूमिकास्थान नगरपालिका ६, खिल्जी निवासी ३५ वर्षीय प्रकाश बेल्बासे

खिल्जी निवासी ४१ वर्षीया ईश्वरी गैरे भुसाल

खिल्जी निवासी १८ वर्षीया शर्मिला मुखिया

खिल्जी निवासी १२ वर्षीया जुना परियार

खिल्जी खामारीबास निवासी ३८ वर्षीया जुना थापा

खिल्जी निवासी ७२ वर्षीय प्रेमबहादुर श्रेष्ठ

असुरकोट निवासी ३४ वर्षीय नवराज श्रेष्ठ