अमेरिकी राष्ट्रपतीय चुनाव: प्रारम्भिक नतिजामा ट्रम्प अगाडि

काठमाडौं । अमेरिकी राष्ट्रपतीय चुनावको प्रारम्भिक मत प्रक्षेपण आउन थालेको छ । त्यसमा वर्तमान उपराष्ट्रपति तथा डेमोक्रेटिक पार्टीकी राष्ट्रपति उम्मेदवार कमला ह्यारिस भन्दा अगाडि देखिएका छन् पूर्वराष्ट्रपति तथा रिपब्लिकन पार्टीका राष्ट्रपति उम्मेदवार डोनाल्ड ट्रम्प ।

बेलायती विश्व च्यानल बीबीसीका अनुसार ट्रम्पले १५४ अंक आउँदा कमलाको २७ अंक आएको छ । अमेरिकी च्यानल सीएनएनका अनुसार ट्रम्पले फ्लोरिडा र साउथ क्यालोरिना अग्रता लिँदा कमलाको अग्रता भने मस्याचुसेट्समा भएको छ ।

जनताले सिधै मत हाल्न पाउँदैनन अमेरिकी चुनावमा, यस्तो छ तरिका

अमेरिकी जनताले सिधै राष्ट्रपतिलाई भोट गर्न पाउने व्यवस्था छैन । जनताले चुनकहरु अर्थात् इलेक्टरहरु चयन गर्छन् । ती इलेक्टरहरुले राष्ट्रपति चयन गर्छन् । अमेरिकामा जम्मा ५३८ इलेक्टरहरु छानिन्छन् । उनीहरू जनताले मत दिएको आधारमा कुन कुन कित्ताको भनेर छुटिएर चुनिन्छन् ।

ती इलेक्टरहरुमा जसको २७० अंक पुग्छ उसले जित्छ । इलेक्टरहरु विभिन्न राज्यमा तथा क्षेत्रका विभिन्न अंकका हुन्छन् ।

उदाहरणको लागि क्यालिफोर्नियाका ५४ छन् भने वासिङटनका १२ तथा कोलोराडोका १० छन् । यिनै इलेक्टरको मतले जित्ने हो ।

सन २०१६ मा ट्रम्पले हिलरी क्लिन्टरलाई ३०६ अंक ल्याएर जित्दा हिलरीको २३२ अंक मात्रै आएको थियो । तर, सन २०२० मा ट्रम्पले २७० पुर्‍याउन नसकेर पराजित भएका थिए । जो बाइडनका ३०६े अंक आउँदा ट्रम्पको २३२ अंक आएको थियो ।