लेभरकुसनविरुद्ध लिभरपुलको सानदार जित

हेटौँडा । जर्मन लिग च्याम्पियन बायर लेभरकुसनविरुद्ध सानदार जित निकाल्दै इङ्लिस क्लब लिभरपुलले युरोपेली च्याम्पियन्स लिगको नयाँ सिजनमा हालसम्म शतप्रतिशत जित दर्ता गरेको छ ।

मङ्गलवार राती भएको खेलमा लिभरपुलले लेभरकुसनलाई ४-० ले पराजित गरेको हो ।

लिभरपुलको चारै गोल दोस्रो हाफपछि आएको हो । लिभरपुलको लागि लुइस डियाजले ह्याट्रिक गरेपछि लिभरपुलले सानदार जित निकालेको हो । डियाजले खेलको ८१,६३ र ९३ औँ मिनेटमा आफ्नो ह्याट्रिक पूरा गरेका थिए ।

अर्को गोल भने खेलको ६१ औ मिनेटमा गाक्पोले गरेका थिए । पहिलो हाफमा गोलको प्रयास गर्दा पनि लिभरपुल सफल भएको थिएन तर दोस्रो हाफको ६० मिनेट कटेपछि लिभरपुलले नियमित ९० मिनेटमा बाकी ४० मिनेटमा तीन र इन्जुरी समयमा एक गोल गर्दै तालिकाको शीर्षस्थान कब्जा जमायो ।

च्याम्पियन्स लिगको चारै खेलमा जित निकाल्दै उसले आफ्नो लय कायम राखेको छ । पराजित लेभरकुसन भने तालिकाको ११ औँ स्थानमा पुगेको छ ।