ट्रम्पले ३०१ इलेक्टरको मतले जित्न सक्छन् चुनाव : न्यू योर्क टाइम्स

काठमाडौं । अमेरिकाको डेमोक्रेटिक पार्टीलाई चुनावमा समर्थन गरेको अखबार न्यू योर्क टाइम्सले चुनावमा रिपब्लिकन उम्मेदवार तथा पूर्वराष्ट्रपति डोनाल्ड ट्रम्पले जित्न सक्ने बताएको छ ।

प्रारम्भिक मतगणनाको नजिता अनुसार ट्रम्पले ३०१ इलेक्टरको मत ल्याएर जित्ने सम्भावना देखिएको न्यू योर्क टाइम्सले उल्लेख गरेको छ ।

अमेरिकी चुनावमा विजेता हुन २७० इलेक्टरको मत काफी हुन्छ ।

न्यू योर्क टाइम्सको खबर साभार गरेर रुसी विश्व च्यानल आरटीले उल्लेख गरेअनुसार कमला ह्यारिसको इलेक्टर मत १७९ आउने सम्भावना छ ।

अमेरिकी च्यानल फक्स न्यूजका अनुसार ट्रम्पले २४८ अंक ल्याएका छन् । यो भनेको उनले जो बाइडेनसँग चुनाव हार्दा सन २०२० मा ल्याएको २३२ अंक भन्दा धेरै हो ।