फक्स न्यूजको प्रक्षेपण: अबको राष्ट्रपतिमा ट्रम्प निश्चित

काठमाडौं । अमेरिकी केबल टेलिभिजन च्यानल फक्स न्यूजको प्रक्षेपणले अबको राष्ट्रपति डोनाल्ड ट्रम्प हुने देखाएको छ ।

फक्सले अमेरिकाको ४७ औँ राष्ट्रपति ट्रम्प हुने आँकडा प्रस्तुत गरेको छ ।

सन १८९२ मा चुनाव जितेका तत्कालीन राष्ट्रपति ग्रोभर क्लिभलेण्डपछि एक कार्यकाल बिराएर राष्ट्रपति हुने विरासत ट्रम्पको हुने देखिएको फक्सले बताएको छ ।

सन २०२० को चुनाव हारेपछि सन २०२२ नोभेम्बर १५ मा राष्ट्रपति उम्मेदवार घोषणा गरेका ट्रम्पले विजय हुने सम्भावना अमेरिकी अखबार न्यू योर्क टाइम्सले पनि उल्लेख गरेको छ ।

यसैबीच चुनाव सभामा बोल्दै ट्रम्पले यो राजनीतिक दिग्विजय भएको टिप्पणी गरे । सीमा र सबै समस्याहरु समाधान गर्ने ट्रम्पले बताए ।

आफूले लोकप्रिय मत ल्याएको भन्दै मुख्यालयमा बोल्दै उनले यो अविश्वसनीय जित भएको भन्दै सम्बोधन गरेका छन् ।

उनले ब्याटलग्राउण्ड राज्यहरुलाई धन्यवाद दिएका पनि छन् ।