रामजी ज्ञवालीको लापत्ता सन्तानः अभिभावक नहेर्ने सन्तानको चरित्र फर्दाफास

रुपन्देही । बुटवलबाट पत्रकारिता थालेर काठमाण्डौं गएका रामजी ज्ञवालीले निर्माण गरेको लापत्ता सन्तानले अभिभावक नहेर्ने सन्तानको चरित्र पर्दाफास गरेको छ ।

बाआमाको संघर्ष र वृद्ध अवस्थामा उनीहरूलाई आश्रम पुर्‍याउने दर्दनाक कथा बोकेको सर्ट फिल्म ‘लापत्ता सन्तान’ले दर्शकको मन जित्दै गएको छ । केही समयअघि ओएसआर डिजिटल युट्‌युबमार्फत सार्वजनिक गरिएको उक्त फिल्म २० मिनेट ३५ सेकेण्डको छ ।

छोरारबुहारीको व्यस्त जीवनशैलीका कारण पर्याप्त समय नहुने भएकाले आमालाई वृद्धाश्रम राखेको कथा फिल्ममा समेटिएको छ ।
उक्त फिल्मको लेखकरनिर्देशन रामजी ज्ञवालीले गरेका हुन् ।

ज्ञवाली लामो समयको पत्रकारितापछि फिल्म निर्माणमा लागेका हुन् । फिल्ममा आमाको भूमिकामा रश्मी भट्ट छन् भने अन्य कलाकारहरूमा ओजस्वीविक्रम विष्ट, आशिष पराजुली, अर्जुन आचार्य, सविना राउत, नीलम भट्ट र मनीष प्रीतम निरौलाको अभिनय रहेको छ । फिल्म नीरज कँडेलको छायांकन र नहकुल खड्काको सम्पादनमा बनेको छ ।

ज्ञवालीले यसअघि डार्क मुन, आराध्या, एक लभर, हनिमुन लगायतका प्रोजेक्ट बनाइसकेका छन् । उनले निर्माण गरेर विभिन्न फेस्टिभल तथा विशेष शोमा गएको डकुमेन्ट्री सर्ट फिल्म ‘रित्तो गाउँ’ भने सार्वजनिक हुन बाँकी छ ।

निर्माता ज्ञवालीले पछिल्लो समय नेपाली समाजमा सन्तानहरुले अभिभावकलाई हेर्न नखोज्ने विषयलाई यो फिलिममा समेटिएको र आफूले सोँचेभन्दा धेरै बजार पाएका बताए । उनले बुटवलको दैनिक पत्र दैनिक, जनसंघर्षबाट पत्रकारिता गरेर काठमाण्डौ गएका थिए ।