छठको उल्लास, हेर्नुस् काठमाडौंदेखि मधेससम्मका तस्बिर

काठमाडौं । छठ पर्वको मुख्य दिन आज साँझ अस्ताउँदो सूर्यलाई पूजा–आराधना गरी अर्घ्य दिइएको छ। जलाशयमा दुलहीझैँ सिँगारिएको घाटमा आज व्रतालुहरूले अस्ताउँदो सूर्यको अर्घ्य दिइएको छ । तराईका जिल्लाहरुसहित काठमाडौं उपत्यकालगायत पहाडी जिल्लाहरुमा व्रतालुहरुले खोला किनारामा गई सूर्यलाई अर्घ्य दिएका छन् ।

काठमाडाैंकाे गुहेश्वरी,  कमलपाेखरी गाैरीघाट, चितवनकाे नारायणी र  जनकपुरधामकाे जलाशयहरुमा  सूर्यलाई अर्घ दिने व्रतालुहरुकाे भीड लागेकाे थियाे ।

स्थानीय रूपमै माटोले बनाइएको माटोको नयाँ घैलो, हाँथी, कोसिया कुरबार, बाँसले बनाइएको कोलसुप, सुपा, ढकिया, चंगेरासहितमा प्रसाद राखी जम्मा भएका व्रतालुहरूले जलाशयको सूयलाई अर्घ दिएका हुन् ।

अस्ताउँदो सूर्यलाई अर्घ्य दिँदा व्रतालुले दुवै हातमा चालमको घोल र सिन्दूर लगाएर अक्षता र फुलसहित पालैपालो अर्घ्य सामग्री सूर्य देवता समक्ष अर्पण गरिएको छ।

३६ घण्टासम्म पानीसमेत नखाई व्रत बसिने यो पर्वमा अस्ताउँदो र उदाउँदो सूर्य देवतालाई अर्घ दिँदै छठीमाताको पूजा आराधना गर्ने गरिन्छ । भोलि बिहान उदाउँदो सूर्यलाई अर्घ चढाएपछि छठ विधिवत् रूपमा समापन हुन्छ ।

विना भेदभाव सबै जाति र समुदाय पोखरी, नदी र जलाशयको घाटमा जम्मा भई सँगसँगै सूर्य देवताको पूजा गर्ने परम्परा रहेको यो पर्व साम्प्रदायिक सद्भाव, धार्मिक सहिष्णुता र मेलमिलापको संगम साबित भएको छ ।

तस्बिरहरु : सन्ताेष यादव/ प्रतिमा सिलवाल र उमेश कार्की