ट्रम्पले चुनाव जितेपछि अस्ट्रेलियाली राजदूतले हटाए बिरोधका ट्विट 

काठमाडौं । रुसी विश्व च्यानल आरटीका अनुसार डोनाल्ड ट्रम्पले राष्ट्रपति जितेपछि उनका विरोधमा लेखिएका पोस्ट अमेरिकाका लागि अस्ट्रेलियाली राजदूत केभिन रडले हटाएका छन्।

पूर्व प्रधानमन्त्री समेत रहेका रडले पटक पटक ट्रम्प विरोधी पोस्ट गरेका थिए। ‘इतिहासका सबैभन्दा धेरै ध्वंस गर्ने’ तथा ‘पश्चिमा विश्वका आतङ्क’ लगायतका उपमा दिएर उल्लेख गरेका थिए। रडले आलोचना गरेको बारेमा सोध्दा ट्रम्पले भनेका थिए, ‘ म उनलाई चिन्दिन । उनी होस्टायल हुने हो भने लामो समय हुँदैनन्।’

एसिया सोसाइटी नामक विश्व थिङ्क ट्याङ्कका प्रमुख नि रहेका रडले प्रधानमन्त्री ओलीको पनि अन्तर्वार्ता लिएका थिए। त्यो भिडिओ सामाजिक सञ्जालमा चर्चित भएको थियो।