सरकार ठीक ढंगले अघि बढेको छ, कांग्रेससँगको सम्बन्ध सुदृढ बनाउन संयन्त्र बनाएका हौं: एमाले (भिडिओ)

काठमाडौं । नेकपा एमालेले पार्टी अध्यक्ष केपी शर्मा ओली नेतृत्वको सरकारको समीक्षा गरेको छ । पार्टी कार्यालयमा बसेको सचिवालय बैठकले सरकारले ठीक ढंगले काम गर्दै अघि बढिरहेको निष्कर्ष निकालेको उपमहासचिव प्रदीप ज्ञवालीले बताए ।

उनले भने, ‘दुई राजनीतिक दलहरुबीचको सम्बन्धलाई अझै प्रगाढ बनाउन र कामलाई अझै प्रभावकारी बनाउन संयन्त्र बनेको छ । विश्वासको वातावरण सुदृढ बनाउँदै लानुपर्छ भन्ने पनि जोड दिएका छौं ।’

उनले प्रधानमन्त्री ओलीको आसन्न चीन भ्रमण राष्ट्रिय हितमा केन्द्रित गर्नेबारे पनि छलफल भएको बताए ।

विश्व राजनीतिक घटनाक्रमलाई मूल्यांकन गरेर दुवै छिमेकी देशसँग सन्तुलित सम्बन्ध कायम गर्दै अघि बढ्नुपर्नेमा पार्टीको जोड रहेको उपमहासचिव ज्ञवालीले बताए ।