भारत सन् २०२५ को च्याम्पियन्स ट्रफी खेल्न पाकिस्तान नजाने

काठमाडौं । भारत सन् २०२५ को च्याम्पियन्स ट्रफीमा भाग लिन पाकिस्तान नजाने भएको छ ।

भारतीय क्रिकेट कन्ट्रोल बोर्ड (बीसीसीआई)ले अन्तर्राष्ट्रिय क्रिकेट परिषद् (आईसीसी)लाई सन् २०२५ को च्याम्पियन्स ट्रफीमा भाग लिन पाकिस्तान नजाने जानकारी दिएको क्रिकइन्फोले जनाएको छ ।

क्रिकइन्फोका अनुसार भारत सरकारले टोलीलाई पाकिस्तान नपठाउन सल्लाह दिएको थियो । च्याम्पियन्स ट्रफी आउँदो वर्षको फेब्रुअरी १० देखि मार्च ९ सम्म पाकिस्तानमा हुने तालिका छ ।

च्याम्पियन्स ट्रफीमा भारतसहित ८ टीम सहभागी हुनेछन् ।