चीनद्वारा चार ‘रिमोट सेन्सिङ’ उपग्रह प्रक्षेपण

जिउक्वान । चीनले शनिबार उत्तरपश्चिमस्थित जिउक्वान स्याटेलाइट प्रक्षेपण केन्द्रबाट अन्तरिक्षमा चार वटा ‘रिमोट सेन्सिङ’ उपग्रहको सफलतापूर्वक प्रक्षेपण गरेको छ ।

पाइसेट-२ का चारवटा उपग्रह लङ मार्च-२ सी क्यारियर रकेटद्वारा बिहान ११ः३९ बजे प्रक्षेपण गरी आफ्नो योजनाबद्ध कक्षमा सफलतापूर्वक प्रवेश गरेका थिए ।

तिनीहरूले मुख्य रूपमा व्यवसायिक रिमोट-सेन्सिङ डेटा सेवा प्रदान गर्नेछन् । यो प्रक्षेपण लङ मार्च क्यारियर रकेट श्रृङ्खलाको ५४४औं उडान अभियान थियो ।

सन् २०२३ मार्चमा चीनले पाइसेट-१ सहित चार वटा भू-उपग्रहको पहिलो प्रक्षेपण गरेको थियो । -रासस/एएनआई