युद्धबिरामको छनक नदेखिएपछि हमास र इजरायल मध्यस्थतताबाट बाहिरियो कतार

काठमाडौं । कतारले गाजाको हतियारधारी समूह हमास र इजरायलको बिचमा मध्यस्थतता नगर्ने घोषणा गरेको छ । यस्तै कतारको राजधानी दोहामा भएको हमासको कार्यालयले अब कार्यालयको काम गर्न छोडेको पनि कतारले सार्वजनिक गरेको छ ।

बेलायती विश्व च्यानल बीबीसीका अनुसार मध्यस्थताको काम छोडे पनि इजरायल र हमासले युद्ध बिराम चाहेपछि पुनः मध्यस्थतता गर्न तयार भएको कतारले सार्वजनिक गरेको छ ।

गत सेप्टेम्बर ७ मा इजरायलमा भएको हमास हमसा र त्यसको प्रतिकारमा इजरायलले गरेको प्रति हमला तथा केहि अवस्थाका नरसंहारको समयमा कतारले समन्वय गरेर बन्धकलाई छुटाउने तथा युद्ध बिराम गर्ने पहल गरेको थियो । तर, पूर्ण सफल भने भएन ।

सन २०१२ मा दोहामा खोलिएको हमासको कार्यालय तत्कालीन अमेरिकी राष्ट्रपति बाराक ओबामाको आग्रहमा खोलिएको बताइएको छ ।

अब हमासको राजनीतिक कार्यालय नै बन्द हुने भएपछि आगामी दिनमा हमाससँग समन्वयको काममा कतार भन्दा इरान वा टर्की आदि देश हाबी हुने धेरैले शंका गरेका छन् ।

यद्यपि, कतारको पनि हमास नेतृत्वसँग एक खाले बलियो सम्पर्क भएको भन्दै कतिपयले भने कतारी अवस्था उस्तै हुने दाबी गरेका छन् ।