चाबहिलको एक इन्टेरियर गोदाममा आगलागी (भिडिओ)
नेपाल प्रेस
२०८१ कार्तिक २५ गते १७:०१
काठमाडौं । काठमाडौंको चाबहिलमा रहेको एक इन्टेरियर गोदाममा आगलागी हुँदा लाखौंको क्षति भएको छ ।
आइतबार मध्यान्ह चाबहिलको सरस्वतीनगरस्थित इन्टेरियर गोदाममा आगो लागेको हो । आगलागीका कारण गोदाममा रहेको फर्निचर, सजावटका सामाग्री, विद्युतीय सामाग्री, प्लाई लगायतका सामाग्री जलेर नष्ट भएको छ भने आगलागीले वरपरका अन्य घरहरुमा समेत केहि क्षति पुर्याएको छ ।
आगलागी भएपछि सेना, प्रहरी, सशस्त्र प्रहरी लगाएत उपत्यकाका तीनै जिल्लाका बारुणयन्त्रको सहायताले करिव दुई घण्टापछि नियन्त्रणमा लिएको थियो ।
इन्टेरियर कम्पनी आटर््स इन्टरनेशनल प्रालिका सञ्चालन सञ्जिव भण्डारीले आगालागीका समयमा गोदाममा कोही कामदार नभएको र कसरी आगो लाग्यो भन्ने अन्यौलमा रहेको बताए । आगलागीका कारण ठूलो क्षति भएको उनको भनाइ छ ।
आगलागीका कारण भएको क्षतिको यकिन विवरण आउन बाँकी रहेको प्रहरीले जनाएको छ ।
नेपाल प्रेस
प्रकाशित: २०८१ कार्तिक २५ गते १७:०१
प्रतिक्रिया
सम्बन्धित खवर
