बैतडीमा चिर्पटले हानेर जेठानीले गरिन् देवरानीको हत्या
नेपाल प्रेस
२०८१ कार्तिक २७ गते १०:४०
बैतडी । बैतडीमा जेठानीले देवरानीको हत्या गरेकी छन् ।
जिल्लाको डिलाशैनी गाउँपालिका–२ छेपट्टामा ३० वर्षीया दीपा बोहराले आफ्नै देवरानी २५ वर्षीया सुनिता बोहराको टाउकोमा चिर्पट प्रहार गरी हत्या गरेको जिल्ला प्रहरी कार्यालय बैतडीले जानकारी दिएको छ ।
घरायसी विवादका कारण सोमबार राती करिब ८ बजे दीपाले सुनिताको टाउकोमा चिर्पटले हिर्काएको र उनको घटनास्थलमै मृत्यु भएको जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेयले जानकारी दिए।
दीपालाई प्रहरीले नियन्त्रणमा लिएर थप अनुसन्धान गरिरहेको प्रहरीले जनाएको छ ।
घटनालगत्तै इलाका प्रहरी कार्यालय पाटनबाट प्रहरी निरीक्षक राजेन्द्र साउँदको नेतृत्वमा प्रहरी टोली घटनास्थलमा खटिएको छ। उक्त टोलीले घटनाबारे थप अनुसन्धान गरिरहेको छ।
नेपाल प्रेस
प्रकाशित: २०८१ कार्तिक २७ गते १०:४०
प्रतिक्रिया
सम्बन्धित खवर
