कुवेतविरुद्ध यू- १९ कप्तान पूजा महतोको विष्फोटक सतक

काठमाडौं । यू- १९ महिला क्रिकेटमा नेपालकी कप्तान पूजा महतोले कुवेतविरुद्ध विष्फोटक सतक प्रहार गरेकी छन् । युएईमा जारी आइसीसी यू १९ महिला टि २० विश्वकप छनोटको चौथो खेलमा नेपाल विशाल स्कोरतर्फ लम्किएको छ ।

पुजाले ५७ बलमा १२ चौकासहित १०० रन पूरा गरेकी हुन् । यो समाचार लेख्दासम्म नेपालले १८.३ ओभरमा १९६ रन बनाएको छ । पूजाले ६३ बलमा १२० रन बनाइसकेकी छन् ।

यु १९ टी २० क्रिकेटमा शतक प्रहार गर्ने पूजा पहिलो नेपाली खेलाडी बनेकी छन् । अन्तर्राष्ट्रिय महिला क्रिकेटमा शतक हान्ने उनी दोस्रो नेपाली ब्याटर हुन् ।