बुटवलमा प्रिमियम र स्मार्ट नामी ईभी गाडी सार्वजनिक

रुपन्देही । नेपालका लागि डोङफेङ इभीको आधिकारिक विक्रेता एमएडब्ल्यू वृद्धिले लुम्बिनी प्रदेशअन्तर्गत बुटवलमा प्रिमियम र स्मार्ट ईभी नामी गाडी सार्वजनिक गरेको छ ।

एक कार्यक्रमबिच तिलोत्तमा नगरपालिकाका मेयर रामकृष्ण खाण, तिलोत्तमा उद्योग वाणिज्य संघका अध्यक्ष ज्ञानेन्द्र कार्की र एमएडब्ल्यू वृद्धिका बिजनेश प्रमुख प्रशन्न पन्त तथा डोङफेङ बुटवल इमरल्ड अटोमोबाइल्सका प्रबन्ध निर्देशक योगेन्द्र खड्गीले संयुक्त रुपमा नामी इभी सार्वजनिक गरेका हुन् ।

सेग्मेन्टमै सबैभन्दा लक्जरियस र इन्टेलिजेन्ट मानिएको नामी इृभीले लुम्बिनी प्रदेशको बजारमा नयाँ मापदण्ड स्थापित गर्ने अपेक्षा गरिएको छ ।

मेयर खाणले इन्धनको बचत र वातावरणीय प्रदूषण न्यूनीकरण गर्न विद्युतीय सवारीको प्रयोगमा जोड दिनुपर्ने बताए । उनले तिलोत्तमा नगरपालिकाले यस खालका सवारी सञ्चालनका लागि आवश्यक पूर्वाधार निर्माणमा लगानी गर्ने बताए ।

डोङफेङका लागि बुटवल डिलर इमरल्ड अटोमोबाइल्सका प्रबन्ध निर्देशक योगेन्द्र खड्गीले लुम्बिनीमा स्मार्ट र इन्टेलिजेन्ट इृभी नामीलाई प्रतिनिधित्व गर्न पाउँदा निकै खुसी भएको बताए । उनले बिक्रीमात्र होइन, बिक्रीपछिको सेवालाई पनि उत्तिकै महत्व दिने जनाए ।

सेग्मेन्ट फस्ट फिचरले भरिएको नामी

नामीले आफ्नो सेग्मेन्टमा लक्जरी र इन्टेलिजेन्टको नयाँ मापदण्ड स्थापित गरेको छ । यसको लक्जरियर इन्टेरियर र अत्याधुनिक स्मार्ट प्रविधि यसको स्लिक डिजाइनमा राम्रोसँग सम्मिश्रित छ । यसमा सेग्मेन्ट फस्ट वेलकम सीट, मेमोरी सीट, फ्रेमलेस डोर, फ्लस डोर ह्यान्डल, अटो पार्किंङ टेबल टपसहितको पेसेन्जर ड्रअर पनि रहेको छ ।

नामीमा लेभल २ एडास, भेन्टिलेटेड र हिटेड सिट, १२।८ इन्चको टचस्क्रिन इन्फोटेन्मेन्ट सिस्टम, १७ इन्चको टायर, १२ वटा अल्ट्रासोनिक राडारसहितको ३६० डिग्री क्यामेरा, एडाप्टिभ क्र्युज कन्ट्रोल, अटोडिमिङ फिचरसहितको स्टार लाइट क्रिस्टल एलईडी हेडल्याम्प जस्ता सेग्मेन्टकै बेस्ट फिचरहरु रहेका छन् ।

यो ईभीमा प्रोक्सिमिटी लक अनलक, मल्टिकलर एम्बायन्ट लाइट, वान टच रेस्ट मोडसहितको फ्ल्याट फोर्ड फ्रन्ट सिट, एक्टर्नल डिस्चार्ज क्यापाबिलिटी, पर्सनलाइज्ड टचस्क्रिन सेन्ट्रल कन्सोल र लक्जरियर अर्बान इन्टेरियर स्पेसले पूर्ण बनाएको छ ।