भिनियस पेनाल्टीमा चुक्दा बराबरीमा रोकियो ब्राजिल

हेटौँडा । विश्वकप छनोट खेल अन्तरगत दक्षिण अमेरिकी समूहमा ब्राजिल र भेनेजुएलाले बराबरी खेलेका छन्।

शुक्रवार बिहान भएको खेलमा ब्राजिल र भेनेजुयला १-१ को बराबरीमा रोकिएको हो ।

दोस्रो हाफमा पाएको पेनाल्टीको अवसरमा भिनियस जुनियर चुकेपछि ब्राजिलले बराबरीमा चित्त बुझाउनु परेको हो ।

यसअघि खेलको ४३ औँ मिनेटमा ब्राजिलको राफिन्हाले गोल गर्दै टिमलाई १-० को अग्रता दिलाएका थिए । तर त्यसको ३ मिनेटमा नै भेनेजुयलाले बराबरी गर्न सफल भयो । उसको लागि सेगोभियाले गोल गरे ।

बराबरीपछि ब्राजिल ११ खेलबाट १७ अङ्क सहित तालिकाको तेस्रो स्थानमा उक्लिएको छ भने भेनेजुयला १२ अङ्क सहित सातौँ स्थानमा छ ।