रास्वपाको आन्दोलनबारे एमालेले भन्यो- कानूनीराजको दृष्टिले उचित होइन (भिडिओ)

काठमाडौं । नेकपा एमालेका महासचिव शंकर पोखरेलले सहकारी प्रकरणमा सभापति रवि लामिछाने पक्राउ परेपछि रास्वपाले देखिएको गतिविधिलाई अराजकताको संज्ञा दिएका छन् ।

मंसिर ७ को जागरण सभाबारे जानकारी दिन आयोजित पत्रकार सम्मेलनमा बोल्दै योजना बनाएरै सडकमा आन्दोलन गनु उचित नभएको बताए ।

उनले भने, ‘सहकारी प्रकरणमा रवि लामिछाने पक्राउ परेपछि जुन गतिविधि भइरहेको छ, त्यो कानूनी राजको दृष्टिले उपयुक्त होइन । त्यो जोकोहीले भन्नसक्ने कुरा हो । निरन्तर योजना बनाएरै गतिविधि गर्नु उचित होइन ।’

उनले सामाजिक सञ्जालमा पनि फेक आइडी बनाएर समेत समाजमा अराजक गतिविधि भइरहेको समेत बताए ।