पार्टीभित्र थुप्रिएको फोहोर सफा गर्ने बेला भयो: महामन्त्री थापा
नेपाल प्रेस
२०८१ मंसिर १ गते १८:४२
चौतारा । नेपाली कांग्रेसका महामन्त्री गगन थापाले पार्टीभित्र थुप्रिएको फोहोर सफा गर्ने बेला भएको बताएका छन् ।
जिल्ला कार्यसमिति सिन्धुपाल्चोकको कार्यालय बीपी अध्ययन केन्द्र भवनको उद्घाटन तथा नेपाली कांग्रेसका संस्थापक नेता बीपी कोइराला र सिन्धुपाल्चोकका पूर्वसभापतिद्वय स्व. रोहिणीराज सिग्देल र स्व. विकास लामाको सालिक अनावरण कार्यक्रमलाई सम्बोधन गर्दै महामन्त्री थापाले सबै नेता तथा कार्यकर्ताहरूलाई आपसी गुटबन्दीमा समय खर्च नगरी पार्टी सुदृढीकरणमा जुट्न आग्रहसमेत गरे ।
उनले हरेक गाउँ-टोलसम्मै पार्टीभित्र चरम गुटबन्दी रहेको बताउँदै गुटबन्दी अन्त्य नभए कांग्रेस खुम्चिँदै जाने निश्चित रहेको जिकिर गरे ।
राज्यले कृषि क्षेत्रमा लगानी बढाउने गरी नीति अघि सार्नुपर्नेमा उनले जोड दिए । उनले वैदेशिक रोजगारीले जीविकोपार्जन मात्रै भइरहेको बताउँदै कृषि क्षेत्रको विकास नभई देश समृद्ध नबन्ने औंल्याए । -रासस
नेपाल प्रेस
प्रकाशित: २०८१ मंसिर १ गते १८:४२
प्रतिक्रिया
One thought on “पार्टीभित्र थुप्रिएको फोहोर सफा गर्ने बेला भयो: महामन्त्री थापा”
Leave a Reply
सम्बन्धित खवर
काँग्रेसको सबैभन्दा ठूलो फोहोरी नै तिमी हौ । पहिला तिमीबाटै सफाई सुरू हुनुपर्छ । काँग्रेसमा कहिले देउवा र कहिले शेखर भनेर दलाली गरेर खान पल्केका तिमीजस्ताबाटै सफाइ सुरू गर्नुपर्छ ।