बोस्नियाको पोष्टमा जर्मनीको सात गोल

हेटौँडा । युइएफए नेसन्स लिग फुटबलमा जर्मनीले विशाल जित निकालेको छ ।

लिग ए समूह ३ को खेलमा जर्मनीले बोस्निया एण्ड हर्जगोभिनाविरुद्ध ७-० गोलको जित निकालेको हो।

घरेलु मैदान युरोपा पार्क स्टाडियोनमा भएको खेलमा फ्लोरिएन रिट्ज र टिम क्लाइनडिस्टले समान २-२ गोल गर्दा जमल मुसिएला, काई हाभर्टज र लिरोए सानेले १–१ गोल गरे ।

युरोपियन नेसनमा यो जारी सिजनको उच्च गोल अन्तरमध्येको एक हो ।

जितसँगै जर्मनीले समूहमा ५ खेलबाट १३ अंक बटुलेको छ। जर्मनी च्याम्पियनसिप प्ले अफको लागि छनोट भएको छ भने पराजित पराजित बोस्निया एण्ड हर्जगोभिना भने लिग बीमा झरेको छ ।

गएरातिनै भएको अर्को खेलमा नेदरल्यान्डले हङ्गेरीलाई ४-० गोलले पराजित गरेको छ । नेदरल्यान्ड्सको जितमा वोउट वेगह्रस्ट, कोडी गाक्पो, डेन्जेल डम्फ्रेज र टिउन कुपमेइनर्सले गोल गरे ।