उपचुनाव- तस्बिरमा हेर्नुस् कीर्तिपुरमा उम्मेदवारी दर्ताको माहोल

काठमाडौं । मंसिर १६ को स्थानीय तह उपचुनावको लागि कीर्तिपुर नगरपालिकाको मेयर र रिक्त दुई वटा वडाध्यक्षका लागि अहिले मनोनयन धमाधम भइरहेको छ ।

यहाँ ठूला, साना दलसँगै केही स्वतन्त्रहरू चुनावी मैदानमा आएका छन् ।

स्वतन्त्रबाट मेयरमा नवरथ कुमार बानियाँ र दिनेशकुमार अधिकारीले उम्मेदवारी दिएका छन् । बाबुराम भट्टराईको नेपाल समाजवादी नयाँ शक्ति पार्टीका दिलकुमार महर्जनले उम्मेदवारी दर्ता गराएका छन् । नेमकिपाले श्रीकृष्ण महर्जनलाई उठाएको छ । राप्रपाबाट ध्रुव महर्जनले उम्मेदवारी दिएका छन् ।

जसपाले तेस्रो लिंगी दीपक महर्जन (हनि) लाई अघि सारेको छ । एमालेका उम्मेदवार डा. सुरेन्द्र मानन्धरले पनि मनोनयन दर्ता गरिसकेका छन् । नेकपा माओवादी केन्द्रका प्रा.डा. शिवशरण महर्जनले पनि उम्मेदवारी दर्ता गरिसके । यहाँ माओवादी र नेकपा एसले तालमेल गरेका छन् । अब नेपाली कांग्रेसका उम्मेदवारको मात्र मनोनयन दर्ता गर्न बाँकी छ ।

हेर्नुस् मनोनयन दर्ता गर्न आएका उम्मेदवारका केही तस्बिर-