राजनीतिमा फर्किए पूर्व प्रदेश प्रमुख जोशी, देखिए कांग्रेस उम्मेदवारी दर्तामा

बाजुरा । सुदूरपश्चिमका पूर्व प्रदेश प्रमुख देवराज जोशी कांग्रेसको सक्रिय राजनीतिमा फर्किने भएका छन् ।

कांग्रेस सरकारमा प्रदेश प्रमुख भएका जोशी सरकार ढालेपछि पदमुक्त भएका थिए । त्यसपछि निष्कृय रहेका जोशी फेरि राजनीतिमा सक्रिय हुने संकेत गरेका छन् ।

प्रदेश प्रमुख हुनुपूर्व पनि जोशी कांग्रेसका सक्रिय नेता थिए । उनी तीन पटक संसदीय निर्वाचनमा होमिएका थिए ।

२०४८, ०५१ र ०६४ मा संघीय निर्वाचनमा होमिएका जोशी ०४८ र ०६४ मा विजयी भएका थिए । बाजुरा स्वामिकार्तिक उपनिर्वाचनमा उपाध्यक्ष पदको उम्मेदवारी दर्तामा पुगेका जोशीले आफू राजनीतिमा फर्किने गरी घर दैलो कार्यक्रम सुरु गरिसकेको बताए ।

तीन वर्षको प्रदेश प्रमुख कार्यकाल पछि संगठनसंग जिल्ला संघ जोड्न खोजेको छु । भेट्घाट पनि गरिरहेको छु उनले भने अहिले कांग्रेस उम्मेदवारी दर्तामा आएको हुँ । जिताउन पनि लाग्छु ।

आगामी पार्टी जिल्ला सभापतिको लागि तपाईंको तयारी हो’, भन्ने प्रश्नमा उनले भने, ‘मेरो पदको दावेदारी छैन । साथीहरुले जिम्मेवारी दिनुभयो भने म स्वीकार गर्छु ।’