माओवादीको पदाधिकारी बैठक स्थगित

काठमाडौं । नेकपा माओवादी केन्द्रको पदाधिकारी बैठक स्थगित भएको छ। आज बस्ने ११ बजे पार्टी कार्यालय पेरिसडाँडामा बस्न तय भएको बैठक स्थगित भएको हो।

पूर्वसभामुख दमननाथ ढुङ्गाना निधन, पार्टी अध्यक्ष पुष्पकमल दाहाल प्रचण्डको कार्यव्यस्तता लगायतको कारणले बैठक स्थगित भएको सचिव दीनानाथ शर्माले बताए। आज स्थगित भएको बैठक भोलि बस्ने उनले बताए।

बैठकमा पछिल्ला समसामयिक राजनीतिक घटनाक्रम, स्थानीय तहको उपनिर्वाचन, पार्टीको आसन्न केन्द्रीय कमिटी बैठकलगायतको विषयमा छलफल हुने बताइएको छ।

सत्ताबाट बाहिरिएपछिको माओवादीले पुस २ गते बस्ने केन्द्रीय कमिटीको बैठकबाट नयाँ योजनासाथ जनताको बीचमा जाने तयारी गरेको छ। पार्टीको पछिल्लो अवस्थाबारे प्रचण्डसहित शीर्ष नेताहरूले सबै प्रदेशमा परामर्श समितिको बैठक समेत गरेका थिए।