जन्मदिन पारेर रायन बस्यालले सार्वजनिक गरे शान्तिश्री परियारको स्वरमा रहेको कलियुगको राधाकृष्ण (भिडियो)

काठमाडौं । जब समाजलाई जात धर्म नै मिचेर माया गरेको कुरा थाहा भयो, गाउँलेले मुखिया डाक्छन् र राति समाज बस्छ । समाजको बैठकमा मुखिया बैठक सुरु गर्दै भन्छन्ः ओहो पण्डितलाई जात र धर्मको विषयमा पढाउनुपर्यो कि कसो हो ? पण्डित जवाफ दिदैँ भन्छन्, ओहो के गल्ति गरेछु मैले त्यस्तो ? समाजमा बसेकी एक महिला प्रश्न गर्दै भन्छिन्ः धर्म नै मासेर माया गर्न त पाइएनन नी ?
समाजमा बसेका सबै गाउँले हो, हो हमी मान्दैनौ भनेर मुखिया र ति महिलाको भनाईमा सहमति जनाउँछन् ।

त्यसपछि पण्डित भन्छन्ः मान्दैनौ रे किन ? कुन धर्ममा लेखेको छ र धर्म छोडेर माया गर्नु हुदैँनन भनेर ? बाइबलमा, गितामा, कुराणमा कहाँ लेखेको छ र ? भगवान एउटै हुनुहुन्छ र भगवानले मान्छे बनाउनुभएको छ । हामी मान्छेले मान्छेलाई नै कसैलाई सानो र कसैलाई ठुलो अनि कसैलाई तल र कसैलाई माथी बनाउने अधिकार छैन हामीसँग । आफ्नो धर्मको पुजा गर्नुहोस्, अरुको धर्मको सम्मान गर्नुहोस् । हामीले माया गरेका छौ भने यो समाजमा बिहे गरेर बाच्न पाउनुपर्छ ।

त्यसपछि मुखिया थप्दै भन्छन्ः जे होस्, यो गाउँमा मानिआएको परम्परा हो । यदि तिमीहरु विवाह नै गर्ने हो भने यो गाउँ छोडेर जानुपर्छ । मेरो निर्णय यहि हो । ल जाउँ गाउले हो ।
गाउँले सबै हो हो, यो गाउँ छोडेर जानैपर्छ भन्दै मुखियाको भनाईमा सहमति जनाउँछन् । त्यसपछि मुखियासहित सबै गाउँले उठेर जान्छन् । समाजका सबैले बिरोध गरेपछि चाहेर पनि कृष्णले केहि गर्न सक्दैनन् ।गीतलाई जातीय छुवाछुत मुक्त राष्ट्र नेपालमा अझै पनि जातीय विभेद कायमै रहेको विषयलाई समेटेको छ ।

यो कुनै रामायणको कथा नभएर भर्खरै गायक एवम मोडल रायन बस्यालले जन्मदिनको अवसरमा सार्वजनिक गरेको म्यूजिक भिडियो भित्रको अन्तिमतिरको कथा हो । संविधानमा धर्म निरपेक्षता र जातीय विभेद गर्न नपाउने लेखिए पनि गाउँ गाउँमा अझै पनि जात र धर्मका कारण विभेद भइरहेको गीतमार्फत दर्शाउन खोजिएको छ । अझै पनि जातीय विभेद कायम रहेको मुलुकमा भित्र राधाकृष्ण जस्ता प्रेम समेत जन्मिरहेका गीतमा देखाइएको छ ।

गायक एवम मोडल बस्यालले जन्मदिनको अवसर पारेर सार्वजनिक गरेको गीतमा गायक बस्याल र चर्चित गायिका शान्तिश्री परियारको स्वर रहेको उक्त गीत कलियुगको राधाकृष्ण सोमबार सार्वजनिक भएको हो । उक्त गीतको समुह गायनमा आयुस केसी, आशा केसी मिलन विश्वकर्मा र रञ्जिता विश्वकर्माले साथ दिएका छन् । सुर्यकुमार परियारको शब्द रहेको उक्त गीतमा लय गायक बस्यालकै रहेको छ भने संगित संयोजक विस्वास नेपालको रहेको छ ।

सञ्जय विश्वकर्मा नृत्य निर्देशक रहेको म्यूजिक भिडियोमा गायक बस्यालसँगै चर्चित मोडल सञ्चिता बोलाखे र निमिखा थापाको नृत्य तथा अभियन रहेको छ भने कथा तथा निर्देशन गायक बस्यालको नै रहेको छ ।