पेरिसडाँडामा अखिल क्रान्तिकारीका ३ नेता आमरण अनसनमा, नेतृत्व चयनमा निर्वाचन सुनिश्चित गर्न माग

काठमाडौं । नेकपा माओवादीका केन्द्रीय कार्यालय पेरिसडाँडामा तीन विद्यार्थी नेता आमरण अनसन बसेका छन्। स्थगित भएको बन्दसत्र मंसिर २३ गतेदेखि नै सुरु हुने सुनिश्चितताको माग गर्दै विद्यार्थी नेताहरू अनसन बसेका हुन्।

अनसन बस्नेमा अखिल क्रान्तिकारीको निवर्तमान केन्द्रीय उपाध्यक्ष तथा कार्यालय प्रमुख केशव रावल, निवर्तमान केन्द्रीय सदस्य खकेन्द्र रावल र निवर्तमान केन्द्रीय सदस्य तथा काठमाडौं जिल्ला उपाध्यक्ष जनक ढुंगानाले आमरण अनसन सुरु गरेका हुन्।

उनीहरुले बन्दसत्र सुरु गर्नुको मागसहित नेतृत्व चयनका लागि निर्वाचन सुनिश्चित गर्न पनि माग गरेका छन्।

असोज १० गतेदेखि काठमाडौंमा सुरु राष्ट्रिय सम्मेलन उमेर हद विवादको कारणले नेतृत्व चयन नगरी स्थगित गरिएको थियो।