‘मिस प्लानेट २०२४’ मा भाग लिन कम्बोडिया गइन् अनिसा

काठमाडौं । कम्बोडियामा हुन लागेको ‘मिस प्लानेट २०२४’ मा भाग लिन नेपालको प्रतिनिधित्व गर्दै अनिसा पराजुली त्यसतर्फ लागेकी छन् ।

कम्बोडियामा १९-२७ नोभेम्बरसम्म यो प्रतियोगिता चल्दैछ । प्रतियोगिताका लागि अनिसाले बुद्धको थिममा ‘नेसनल कस्ट्युम’ बनाएकी छन् । कम्बोडिया बौद्ध धर्मावलम्वीको बाहुल्य देश भएकाले यो थिम अपनाएको उनले बताइन् ।

‘मिस प्लानेट’ को यो वर्षको थिम ‘दिगो विकास सँगसँगै मेन्टल हेल्थ अवारनेस’ रहेको छ । वीर नर्सिङ क्याम्पसमा मास्टर्स पढिरहेकी उनी मनोचिकित्सक नर्स हुन् । काठमाडौंमा केही दिनअघि भएको नर्सहरूको सौन्दर्य प्रतियोगितामा उनी ‘मिस नेपाल पिस’ को फस्ट रनरअप घोषित भएकी थिइन् ।