पुथाउत्तरगङ्गा-२ मा माओवादीका उम्मेदवार घर्ती निर्विरोध भएको औपचारिक घोषणा

काठमाडौं । स्थानीय तहको उपनिर्वाचनमा रुकुम पूर्व पुथाउत्तरगङ्गा गाउँपालिका २ को वडाध्यक्षमा जगत घर्ती निर्विरोध निर्वाचित भएको औपचारिक घोषणा भएको छ ।

कांग्रेस–एमालेको तर्फबाट उम्मेदवारी दिएका जीवन रोकाले उम्मेदवारी फिर्ता लिएपछि मुख्य निर्वाचन अधिकृतको कार्यालयले घर्तीलाई निर्वाचित घोषणा गरेको हो ।

मुख्य निर्वाचन अधिकृतले जारी गरेको सूचनामा भनिएको छ, ‘रुकुम (पूर्वी भाग) जिल्लाको पुथा उत्तरगंगा गाउँपालिका वडा नम्बर २ को वडाध्यक्ष पदको निर्वाचनमा उम्मेदवार हुन मनोनयन पत्र दाखिला भएका माओवादी केन्द्रका जगत घर्तीमात्र उम्मेदवार कायम भएकाले स्थानीय निर्वाचन ऐन, २०७३ को दफा २५ बमोजिम निर्विरोध निर्वाचित भएको घोषणा गर्दछु ।’