नेकपा एसका प्रदेश कमिटी सदस्यसहित एक दर्जन कार्यकर्ता एमाले प्रवेश

विराटनगर । नेकपा एकीकृत समाजवादी कोशी प्रदेश कमिटी सदस्य रविन नगरकोटीसहित एक दर्जन बढी नेता कार्यकर्ताहरू नेकपा एमालेमा फर्किएका छन् ।

नेकपा एमाले मोरङ पार्टी कार्यालयमा उनीहरूलाई एमालेमा स्वागत गरेको हाे । तत्कालीन पूर्वाञ्चल खेलकुद विकास समिति अध्यक्ष समेत रहेका नगरकोटी सहित खेलक्षेत्रका १५ जना एमालेमा प्रवेश गरेको एमाले केन्द्रीय सदस्य तथा मोरङ इन्चार्ज जीवन घिमिरेले बताए ।

उनका अनुसार नगरकोटी सहित राष्ट्रिय अन्तर्राष्ट्रिय स्तरका खेलाडी छन् । नवप्रवेशीहरूलाई पार्टीले चाँडै जिम्मेवारी दिइने घिमिरेले बताए ।

यसअघि नेकपा एस परित्याग गरि कोषराज नेउपाने, हरि सुवेदी, खेमराज तिम्सिना लगायतका ५० वढी नेताहरूले नेकपा एमाले पार्टी सदस्यता नविकरण गरेका थिए ।