विरजंगबाट पोखरा आउँदै गरेकाे बस हेटाैंडामा दुर्घटना

हेटौंडा । हेटौंडामा आज बस दुर्घटना हुँदा १७ जना यात्रु घाइते भएका छन् ।

हेटौंडा उपमहानगरपालिका वडा नम्बर–१५ चुरियामाई मन्दिर नजिक पूर्व पश्चिम सडक खण्डमा बस दुर्घटना हुँदा १७ जना यात्रु घाइते भएको जिल्ला प्रहरी कार्यालय मकवानपुरका प्रहरी नायव उपरिक्षक स्यामु अर्यालले बताए ।

बिरगंजबाट पोखराको लागि आउँदै गरेको यात्रुबाहक ग २ ख १६२१ नम्बरको बस ब्रेक फेल भई सडक छेउको खोल्सामा पल्टेर दुर्घटना हुँदा बसमा सवार रहेका १८ जना यात्रु मध्ये चालक सहित १७ जना घाइते भएका हुन् । घाइतेहरुको हेटौंडा अस्पतालमा उपचार भइरहेको छ ।