चितवनको उपरदाङगढीमा वनभोज खाएर फर्किएको स्कुल बस दुर्घटना

चितवन । चितवनको कालिका नगरपालिकाको एक विद्यालय बस दुर्घटनामा परेको छ । उपरदाङगढीमा वनभोज खाएर फर्किने क्रममा चित्रवन स्कुल बस दुर्घटनामा परेको हो ।

जिल्ला प्रहरी कार्यालय चितवनका डीएसपी ज्ञानकुमार महतोका अनुसार विद्यालयको म. प्र ०३-००१ क २६७७ नम्बरको स्कुलल बस दुर्घटना हुँदा २० जना विद्यार्थी घाइते भएको प्रारम्भिक जानकारी आएको छ, तर कति विद्यार्थी वनभोज खान गएका थिए, घाइतेमध्ये कतिको अवस्था सामान्य वा गम्भीर छ भन्ने अझै पनि पुरा जानकारी आएको छैन ।

नगर अस्पताल कालिकामा विद्यार्थीको उपचार तथा उद्दार कार्यमा खटिएका कालिका नगरपालिकाका मेयर विनोद रेग्मीका अनुसार कालिका नगरपालिका- ९ को उपरदाङगढी चढ्ने घुम्तीमा बस दुर्घटना भएको हो ।

दुर्घटनाको थप विवरण भने आउन बाँकी नै रहेको छ ।