भक्तपुरमा ट्रकले स्कुटरलाई ठक्कर दिँदा एक जनाको मृत्यु
नेपाल प्रेस
२०८१ मंसिर १३ गते ९:५९
भक्तपुर । भक्तपुरको मध्यपुर थिमि नगरपालिका-३ गठ्ठाघर चोकमा आज बिहान भएको सवारी दुर्घटनामा एक जनाको मृत्यु भएको छ । अर्का एक जना गम्भीर घाइते भएका छन् ।
भक्तपुरबाट काठमाडौंतर्फ गइरहेको ट्रकले स्कुटरलाई ठक्कर दिँदा त्यसमा सवार भक्तपुर नगरपालिका-५ द्यौलाबस्तीका जिते द्यौला गम्भीर घाइते भएका छन् । निजकी श्रीमती नवीनाको मृत्यु भएको छ । घाइते जितेको नागरिक कम्युनिटी अस्पताल गठ्ठाघरमा उपचार भइरहेको छ ।
प्रहरीले ट्रक र त्यसका चालक मकवानपुरगढी गाउँपालिका- ४ का बुद्धबहादुर घलानलाई नियन्त्रणमा लिएको छ ।
नेपाल प्रेस
प्रकाशित: २०८१ मंसिर १३ गते ९:५९
प्रतिक्रिया
सम्बन्धित खवर
