भासु भीरबाट ७०० मिटर तल खस्दा टुक्राटुक्रा भयो ट्रक, चालक र सवारको छैन अत्तोपत्तो
नेपाल प्रेस
२०८१ मंसिर १५ गते १४:४९
कैलाली । कैलालीको चुरे गाउँपालिका–५ भासु भीरबाट मिनी ट्रक खसेको छ । शनिबार बिहान सु.प्र ००१ ख २५७६ नम्बरको मिनी ट्रक भीरबाट करिब ७ सय मिटर तल खसेको छ ।
ट्रक पूर्ण रूपमा क्षतिग्रस्त छ । ट्रकमा सवार को–को थिए र चालकको अवस्था के छ भन्नेबारे कुनै कुरा पत्तो लागेको लागेको छैन ।
दुर्घटनास्थलसम्म पुग्दा पनि ट्रक टुक्राटुक्रा भएको अवस्थामा फेला परेको अन्य कोहो नभेटिएको जिल्ला प्रहरी कार्यालय कैलालीका प्रहरी निरीक्षक दर्शन खड्काले जानकारी दिए ।
यस विषयमा थप थप बुझ्ने काम भइरहेको प्रहरीले जनाएको छ । ट्रक दुर्घटना स्थलबाट सडक पुग्न उद्धार टोली र प्रहरीलाई करिब डेढ घण्टा लागेको थियो ।
नेपाल प्रेस
प्रकाशित: २०८१ मंसिर १५ गते १४:४९
प्रतिक्रिया
सम्बन्धित खवर
