गुल्मीको मुसिकोटमा वडाध्यक्षका लागि मतदान जारी
नेपाल प्रेस
२०८१ मंसिर १६ गते ८:२३
रूपन्देही । गुल्मी जिल्लाको मुसिकोट नगरपालिकाको वडा नम्बर १ को अध्यक्ष पदका लागि मतदान भइरहेको छ ।
रिक्त वडाध्यक्ष पदका लागि आज बिहान ७ बजेदेखि नै मतदान सुरु भएको सहायक निर्वाचन अधिकृत ऋषिराम घिमिरेले बताए ।
वडाध्यक्षका निर्वाचनका लागि ३ वटा मतदानस्थल र ५ वटा मतदान केन्द्र तोकिएको छ । वडामा ४ हजार ५१ जना मतदाता रहेका छन् ।
वडाध्यक्षका लागि ८ जना चुनावी प्रतिस्पर्धामा छन् । यसअघि नेपाली कांग्रेसबाट वडाध्यक्ष निर्वाचित मोहन घिमिरेको निधन भएपछि आज उपनिर्वाचन भएको हो ।
नेपाल प्रेस
प्रकाशित: २०८१ मंसिर १६ गते ८:२३
प्रतिक्रिया
सम्बन्धित खवर
