कीर्तिपुरमा कांग्रेसका मेयर उम्मेदवार कृष्णमानले देव ढोकामा गरे मतदान (तस्विरहरु)
२०८१ मंसिर १६ गते १०:३२
काठमाडौं । स्थानीय तहको उपनिर्वाचनअन्तर्गत काठमाडौंको कीर्तिपुरका नेपाली कांग्रेसका मेयर उम्मेदवार कृष्णमान डंगोलले मतदान गरेका छन् ।
कांग्रेस कीर्तिपुर नगर सभापतिसमेत रहेका डंगोलले वडा नं २ को देव ढोका मतदान केन्द्र पुगेर मतदान गरेका हुन् ।
यहाँ एमालेबाट डा. सुरेन्द्र मानन्धर, माओवादीबाट प्रा.डा. शिवशरण महर्जन र राप्रपाबाट ध्रुव महर्जन चुनावी मैदानमा छन् । माओवादी उम्मेदवार शिवशरणलाई नेकपा एकीकृत समाजवादी र उपेन्द्र यादव नेतृत्वको जनता समाजवादी पार्टी नेपालले समर्थन गरेका छन् ।
गत स्थानीय चुनावमा वामपन्थी उम्मेदवारलाई बढार्दै यहाँ कांग्रेसले क्लीनस्वीप गरेको थियो । अहिले मेयरसहित वडा नम्बर १ र ४ को अध्यक्षको लागि पनि उपनिर्वाचन भइरहेको छ ।
गत निर्वाचन विजयी भएका कांग्रेसका राजकुमार नकर्मीको निधन भएपछि अहिले उपनिर्वाचन भएको हो ।
प्रकाशित: २०८१ मंसिर १६ गते १०:३२
प्रतिक्रिया
सम्बन्धित खवर
