मोरङको ग्रामथानमा ३५ प्रतिशत मतदान

विराटनगर । मोरङको ग्रामथान गाउँपालिकाको उपनिर्वाचनअन्तर्गत मतदान जारी छ । अहिलेसम्म ग्रामथानमा ३५ प्रतिशत मत खसेको छ ।

मुख्य निर्वाचन अधिकृतको कार्यालयका अनुसार अहिलेसम्म ९ हजार ५३ मत अर्थात करिब ३५ प्रतिशत मत खसेको हो । जसअनुसार ४ हजार ३२५ महिला र पुरुष ४ हजार ७२८ जनाले मतदान गरेका छन् ।

अहिले सबै मतदान केन्द्रमा शान्तिपूर्ण रूपमा मतदान जारी छ । ग्रामथानमा १२ मतदानस्थल र २९ वटा केन्द्र तोकिएको छ । ग्रामथानमा जम्मा २६ हजार ४४ मतदाता छन् ।