‘हिरामण्डी’ बाट मनिषा कोइरालाले जितिन् उत्कृष्ट अभिनेत्रीको फिल्म फेयर अवार्ड

काठमाडौं । नेपालकी अभिनेत्री मनिषा कोइरालाले वेब सिरिज ‘हिरामण्डी’ बाट सर्वोत्कृष्ट अभिनेत्रीको अवार्ड जितेकी छन् । फिल्मफेयर ओटिटी अवार्डको पाँचौं संस्करणमा उनी उत्कृष्ट ठहरिएकी हुन् ।

हिजो भएको अवार्ड समारोहमा २९ वटा विधामा पुरस्कार वितरण गरिएको थियो । सबैभन्दा बढी १६ विधामा ‘हिरामण्डी’ मनोनयनमा परेको थियो । यस्तै, ‘गन्स एन्ड गुलाब्स’ १२ वटा र ‘काला पानी’ ८ विधामा मनोनीत भएका थिए ।

सर्वोत्कृष्ट सिरिजको अवार्ड ‘द रेल्वे मेन’ लाई प्राप्त भएको छ । सर्वोत्कृष्ट निर्देशकको अवार्ड भने ‘कालापानी’ बाट समीर सक्सेना र अमित गोलानीले पाएका छन् । ‘गन्स एन्स गुलाब्स’ का राजकुमार राव कमेडीतर्फ सर्वोत्कृष्ट अभिनेता ठहरिँदा ड्रामातर्फ ‘द तेल्गी स्टोरी’ बाट गगन देभले सर्वोत्कृष्ट अभिनेताको अवार्ड पाए ।

यस्तै सर्वोत्कृष्ट अभिनेत्रीको अवार्ड ड्रामातर्फ मनिषाले पाउँदा कमेडीमा ‘गुल्लाक सिजन ४’ बाट गीताञ्जली कुलकर्नीलाई दिइयो ।