उपनिर्वाचनले माओवादीलाई फाइदा, पालिका अध्यक्ष र उपमेयरसहित ६ वडाध्यक्ष विजयी

काठमाडौं । संसदको तेस्रो ठूलो दल नेकपा माओवादी केन्द्रलाई उपनिर्वाचनले समग्रमा उत्साहित बनाएको छ । आधार इलाका मानिने रोल्पा, रुकुम र जाजरकोटका केही वडा गुमाएको माओवादीले कांग्रेसको गढ मानिने मोरङको ग्रामथान गाउँपालिका अध्यक्ष जितेको छ ।

त्यस्तै जाजरकोटको नलगाढ नगरपालिका उपमेयर पनि जितेको छ । माओवादीले यसअघि कांग्रेस र एमालेले जितेका केही वडामा जित निकालेर ६ वडाध्यक्ष सहित अहिलेसम्मको परिणाममा एमालेभन्दा एक वडा बढी जितेको छ ।

यसअघि माओवादीले जितेका ६ वडामा उपनिर्वाचन भएको थियो । माओवादीले यसपटक आफूले जितेका ४ वडा गुमाउँदा कांग्रेस र एमालेले जितेका ५ वडा खोस्न सफल भएको छ । यस हिसाबले माओवादीलाई उपनिर्वाचनले घाटाभन्दा फाइदा नै देखिएको छ ।

माओवादी केन्द्रले जितेका स्थान

अध्यक्ष १

ग्रामथान मोरङ, नमोनारायण माझी (यसअघि कांग्रेस जितेको)

उपमेयर १

नलगाढ जजारकोट, देवका लामिछाने (यसअघि कांग्रेस जितेको)

वडाध्यक्ष ६

त्रियुगा १२ उदयपुर, नविन राई (यसअघि कांग्रेस जितेको)

धनुषाधाम १,धनुष सुनिल कुमार केवट (यसअघि कांग्रेस जितेको)

ककनी २ नुवाकोट, कृष्ण घिमिरे (यसअघि कांग्रेस जितेको)

गोरखा ५ गोरखा बिष्णुवहादुर मगर (यसअघि एमाले जितेको)

त्रिपुरासुन्दरी ५ डोल्पा नरबहादुर झाँक्री (यसअघि एमाले जितेको)

पुथा उत्तरगंगा २ रुकुमपूर्व जगत घर्ती