कीर्तिपुर नगरपालिकाको मत परिणाम अपडेट: यी स्वतन्त्र उम्मेदवार जसले ल्याए १,२, ३ मत

काठमाडौं । कीर्तिपुर नगरपालिकाको मेयर पदका लागि मतगणना भइरहेको छ । १२ बजेसम्मको मतपरिणाम अनुसार नेपाली कांग्रेस सबैभन्दा अगाडि रहेको छ । कांग्रेसलाई नेकपा एमालेले पछ्रयाइरहेको छ भने तेस्रो स्थानमा नेकपा माओवादी छन् ।

नेपाली कांग्रेसका कृष्णमान डंगोलले १८९२ मत ल्याएर अग्र स्थानमा रहँदा एमालेका सुरेन्द्र मानन्धरले १३७८ मत ल्याएका छन् । त्यस्तै माओवादीका शिव शरण महर्जनले ११८८ मत ल्याएका छन् ।

मेयर पदको लागि ३२ जना मैदानमा छन् । त्यसमध्ये अधिकाश स्वतन्त्रबाट उठेका छन् । तर अपेक्षित मत ल्याउन भने सकेका छैनन् ।

त्यसमध्ये स्वतन्त्र मेयरमा उठेका केही उम्मेदवारले भने आफनो बाहेक मत ल्याउन सकेका छैनन् । क्यालकुलेटर चुनाव चिन्ह लिएर स्वतन्त्रबाट उठेका धर्मरत्न मानन्धरले हालसम्म १ मत पाएका छन् भने ब्याटमिन्टन कप चुनाव चिन्ह लिएर स्वतन्त्रबाट उठेका प्रेम बहादुर महर्जनले २ भोट ल्याएका छन् ।

त्यस्तै केटा र केटी चुनाव चिन्हबाट स्वतन्त्रमा उठेका राज मान महर्जनले ३ मत ल्याएका छन् । मुढा चुनाव चिन्ह्रबाट स्वतन्त्रमा उठेका आन्नद महर्जनले पनि ३ मत पाएका छन् । जनमत पार्टीबाट लाउड स्पीकर चुनाव चिन्ह लिएर उठेका केशव श्रेष्ठले ४ मत ल्याएका छन् ।

यसैगरी समाजवादी पार्टीले १०, जसपा नेपालले १० मत ल्याएका छन् ।