एनपीएलको ब्याटिङमा उत्रिए शिखर धवन

काठमाडौं । नेपाल प्रिमियर लिग (एनपीएल) को तेस्रो खेल जनकपुर बोल्ट्स र कर्णाली याक्सबीचको खेल सुरु भएको छ ।

टीयु क्रिकेट मैदानमा जनकपुरविरुद्ध कर्णालीले टस जितेर पहिला ब्याटिङ गर्ने निर्णय लिएको थियो । टीयु मैदानमा कर्णालीले ब्याटिङ सुरु भएको छ ।

कर्णालीका लागि भारतीय चर्चित क्रिकेट शिखर धवन ओपनरको रुपमा मैदान उत्रिएका छन् । उनीसहित ओपनरको रुपमा नेपालका देव खनाल मैदान उत्रिएका हुन् । बलिङको सुरुआत जनकपुरका किशोर महत्तोले गरेका छन् ।

कर्णालीको प्लेइङ–११
सोमपाल कामी (कप्तान), चाडविक वाल्टन, शिखर धवन, गुल्सन झा, अर्जुन घर्ती, मौसम ढकाल, भुवन कार्की, नन्दन यादव, देव खनाल, बाबर हायत र जिसन मक्सुद

जनकपुरको प्लेइङ–११
अनिलकुमार शाह (कप्तान), लाहिरू मिलन्था, असिफ शेख, ललित राजवंशी, किशोर महत्तो, शेर मल्ल, शुभ कंशाकार, तुलबहादुर थापा, जिमी निशम, मोहमद मोहसिन र हर्ष थाकर