कर्णालीका सबै विदेशी ब्याट्सम्यान पहिलो खेलमा फ्लप, गुल्शन ३६ रनमा आउट

काठमाडौं । नेपाल प्रिमियर लिग (एनपीएल) अन्तर्गत जनकपुर बोल्ट्स र कर्णाली याक्सबिचको खेल जारी छ ।

टीयु क्रिकेट मैदानमा जनकपुरविरुद्ध टस जितेर पहिला ब्याटिङ गरेको कर्णालीले राम्रो ब्याटिङ गर्न सकेको छैन । १५ ओभरको खेल सकिँदा ५ विकेट गुमाएर ७८ रन जोडेको छ ।

पहिलो खेलको ब्याटिङमा भारतीय चर्चित खेलाडी शिखर धवनसहित कर्णालीका सबैजसो विदेशी खेलाडी फ्लप भए । कुनै पनि ब्याटर क्रिजमा जम्न सकेनन् । एक खेलको ४० लाख पारिश्रमिकमा एनपीएल खेल्न आएका शिखर १४ बलमा १४ रन बनाउँदै आउट भए । चाडविक वाल्टन ८, बाबर हायत १२ र जिसन मक्सुद शून्य रनमा आउट भए ।

नेपालका देव खनाल १ रनमा आउट हुँदा नेपालकै गुल्शन झा ३६ रन बनाएर आउट भए । २७ बल खेलका गुल्शनले ३ छक्का र एक चाैका प्रहार गरेका छन् ।