कीर्तिपुरकाे दाैड: कांग्रेस उम्मेदवारलाई पछ्याउँदै एमाले र माओवादी

काठमाडौं । कीर्तिपुर नगरपालिकाको मतगणना जारी छ । कीर्तिपुरको मेयरमा कांग्रेसका उम्मेदवार कृष्णमान डंगोलले आफ्नो अग्रता कायमै राखेका छन् । पछिल्लो मत परिमाण अनुसार उनलाई एमाले र माओवादी उम्मेदवारहरूले पछ्याइरहेका छन् ।

डंगोलले २ हजार ९३० मत प्राप्त गरेका छन् । उनलाई पछ्याउँदै एमालेका सुरेन्द्र मानन्धरले २३८४ मत ल्याएर दोस्रो स्थानमा रहेका छन् ।
एमालेका मानन्धर भन्दा डंगोल मतान्तर बढाउँदै ५४६ मतले अगाडि छन् ।

यसैगरी नेकपा माओवादी केन्द्रका उम्मेदवार प्रा.डा. शिवशरण महर्जनले २ हजार ८३ मत प्राप्त गरेका छन् । केटाकेटी चुनाव चिह्न लिएर प्रतिस्पर्धामा उत्रिएका राजमान महर्जनले ११सय १३ मत प्राप्त गरेका छन्  भने  राप्रपाले ४२३ मत प्राप्त गरेकाे छ ।